واشنگٹن (این این آئی )امریکا نے بھی پاکستان میں فوجی عدالتوں میں 25 شہریوں کی سزا پر ردِعمل کا اظہار کیا ہے۔غیرملکی خبررساں ادارے کے مطابق ترجمان امریکی محکمہ خارجہ میتھیو ملر نے ملٹری کورٹ سے 25 شہریوں کی سزا پر اظہارِ تشویش کیا ہے۔

ایک بیان میں میتھیو ملر کا کہنا تھا کہ پاکستانی شہریوں کو 9 مئی کے احتجاج میں ملوث ہونے پر فوجی عدالت نے سزا سنائی ہے۔امریکی محکمہ خارجہ نے کہا ہے کہ فوجی عدالتوں میں عدالتی آزادی، شفافیت اور انصاف کی ضمانتوں کی کمی ہے۔میتھیو ملر کا یہ بھی کہنا تھا کہ پاکستانی حکام آئین میں درج منصفانہ مقدمے اور انصاف کے حق کا احترام کریں۔