اسلام آباد (مانیٹرنگ ڈیسک) بل گیٹس کی 5 پیش گوئیاں جو بالآخر سچ ثابت ہوئیں، حیرت انگیز انکشافات، تفصیلات کے مطابق بل گیٹس نے 1999ء میں ایک کتاب لکھی جس کا عنوان تھا ’’بزنس ایٹ دی ریٹ آف دی سپیڈ آف تھاٹ‘‘ اس میں بل گیٹس کی طرف سے کی گئی متعدد پیش گوئیاں سچ ثابت ہوئیں۔ ان سچ ہونے والی پیش گوئیوں میں سے 5 پیش گوئیاں یہ تھیں۔

-1 موبائل ڈیوائسز کے بارے بل گیٹس نے پیش گوئی کی تھی کہ لوگوں کے پاس چھوٹی چھوٹی ڈیوائسز ہوں گی جن کے ذریعے وہ ایک دوسرے سے رابطے میں رہیں گے اور ہر مقام سے الیکٹرانک بزنس کر سکیں گے۔ وہ خبروں، فلائٹس کی بکنگ، فنانشل مارکیٹس کی معلومات اور کم و بیش ہر کام ان ڈیوائسز کے ذریعے کرنے کے قابل ہوں گے۔ دیکھا جائے تو سمارٹ فون اور سمارٹ واچز پر اب یہی سب کچھ ہو رہا ہے۔
-2 آن لائن ادائیگیاں، مالیاتی نظام اور صحت کی سہولیات بارے بل گیٹس نے پیش گوئی کی تھی کہ لوگ اپنے بل، مالی معاملات اور ڈاکٹروں سے رابطہ انٹرنیٹ کے ذریعے کریں گے۔ اب اوبر اور کریم کے ذریعے ٹرانسپورٹ ہو رہی ہے اور زوک ڈاک جیسی ویب سائٹس سے ڈاکٹر مناسب وقت پر مل جاتا ہے۔
-3 قیمتوں کے تقابل بارے بل گیٹس نے کہا تھا قیمتوں کے خود کار تقابل کا نظام وضع ہوگا جس کی مدد سے مختلف ویب سائٹس پر لوگ قیمتیں دیکھنے کے قابل ہوجائیں گے اور تمام صنعتوں کا جائزہ لینے کے بعد کم سے کم قیمت معلوم کرنے میں انہیں کوئی دشواری نہیں ہوگی۔ اب گوگل اور ایمازون پر مختلف چیزوں کی قیمتوں کو با آسانی معلوم کیا جاسکتا ہے، نیکس ٹیگ اور پرائس گریبر جیسی ویب سائٹس پر قیمتوں کا تقابل بھی کیا جا سکتا ہے۔

-4 سوشل میڈیا کے حوالے سے بل گیٹس کی پیش گوئی تھی کہ آپ کے دوستوں اور خاندان کی ذاتی ویب سائٹس عام ہوں گی، جن کے ذریعے بات چیت ہو سکے گی اور آئندہ کے منصوبوں کی منصوبہ بندی بھی ہو سکے گی، اس پیش گوئی کی صداقت فیس بک سے ثابت ہے کہ دو ارب لوگ فیس بک پر موجود ہیں۔ اس کے علاوہ سنیپ چاٹ، انسٹاگرام، وٹس ایپ وغیرہ دوستوں اور خاندان کے افراد کے درمیان رابطے اور منصوبہ بندی کا ذریعہ ہی تو ہیں۔

-5 گھروں کی آن لائن نگرانی کے بارے بل گیٹسکا کہنا تھا اپنے گھروں سے مسلسل وڈیو کا آنا عام ہوجائے گا، جس سے یہ معلوم ہوجائے گا کہ غیر موجودگی میں گھر کون آیا تھا۔ اب گھروں کی نگرانی کے آلات بن چکے ہیں اور انٹرنیٹ کی مدد سے معلوم ہو جاتا ہے کہ وہاں کیا ہو رہا ہے۔ یہ پیش گوئی بھی سچ ثابت ہوئی۔

موضوعات:بل گیٹس