اسلام آباد (مانیٹرنگ ڈیسک )گلوکار ابرار الحق کے لندن شو میں تلخ کلامی اور ہنگامہ آرائی کے بعد پولیس کو بلا لیا گیا ہے ۔ تفصیلات کے مطابق تحریک انصاف کے کارکنان ، ابرار الحق کے گارڈز اور میڈیا کے درمیان تلخ کلامی کے باعث ہنگامی صورتحال پیدا ہونے پر انتظامیہ کی جانب سے پولیس کو بلالیا گیا ، واقع کے متعدد ویڈیوز سوشل میڈیا پر گردش کر رہی ہیں،جس میں ابرار الحق کو پرفارم کرتے اور میڈیا سے بات چیت کرتے دیکھا جا سکتا ہے۔گلوکار شیڈول کے مطابق لندن پہنچے اور اپنے مشہور گانوں پر پرفارم کر کے خوب داد سمیٹی تاہم کنسرٹ کے بعد میڈیا سے بات چیت کے دوران پی ٹی آئی کارکنان نے ابرار الحق کو گھیر لیا۔معاملہ کے بڑھ جانے کے بعد انتظامیہ کی جانب سے پولیس کو بلایا گیا اور ابرار الحق کو بحفاظت واہاں سے روانہ کیا گیا ہے ۔