اسلام آباد (مانیٹرنگ ڈیسک /این این آئی)پاکستان مسلم لیگ ن کی نائب صدر مریم نواز کی صحت خرابی کی خبر پر سینئر صحافی کا حیران کن دعویٰ ۔ نجی ٹی وی پروگرام میں گفتگو کرتے ہوئے سینئر تجزیہ کار ارشاد بھٹی نے کہا ہے کہ مریم نواز کی صحت خرابی پر ان کا ایم آر آئی کروایا جائے گا ، جب بھی شریف خاندان کے کسی فرد کی طبعیت ناساز ہوتی ہے تو اس کا مطلب یہ ہے کہ

معاملہ اب پار لگنے والا ہے ۔ دوسری جانب پاکستان مسلم لیگ (ن)کی نائب صدر مریم نواز اور پاکستان پیپلز پارٹی کے چیئر مین بلاول بھٹو زر داری بنوں میں پی ڈی ایم اے کے جلسے میں شریک نہ ہوئے تاہم مسلم لیگ (ن)اور پیپلز پارٹی کے رہنماؤں نے شرکت کی۔جمعیت علمائے اسلام (ف) کی میزبانی میں ہونے والے پی ڈی ایم کے جلسے سے خطاب کرتے ہوئے امیر مقام نے شرکاء کو بتایاکہ مریم نوازشریف نے جلسے میں شرکت کرنا تھی تاہم بہاولپور میں دو روز مصروف رہنے کے باعث بیماری کی وجہ سے جلسہ میں شرکت نہیں کر سکیں۔ پی ڈی ایم کے جلسے سے مسلم لیگ (ن) کی جانب سے احسن اقبال نے بھی خطاب کیا جبکہ پاکستان پیپلز پارٹی کے چیئر مین بلاول بھٹو زر داری بھی کراچی میں ہونے کی وجہ سے بنوں کے جلسے میں شرکت نہیں کر سکے تاہم پیپلز پارٹی کی جانب سے فرحت اللہ بابر نے شرکت اور خطاب کیا۔‎