جڑنوالہ (مانیٹرنگ ڈیسک)ہائے رے غربت ، علاج کیلئے پیسے نہ ہونے پر ماں نے اپنے نو مولود لخت جگر کو فروخت کیلئے پیش کر دیا ۔ مقامی اخبار میں شائع رپورٹ کے مطابق پولیس تھانہ سٹی کو اطلاع ملنے پر دوڑیں ، رپٹ لکھنے کے بعد غربت کی ماری خاتون کو مالی امداد کی پیشکش۔ بتایا گیا ہے کہ پولیس تھانہ نے رپٹ نمبر 2/30درج کرتے ہوئے
اس میں موقف اختیار کیا کہ شیرازی پارک کی رہائشی خاتون رقیہ بی بی جس کا خاوند محمد فیاض وفات پا گیا ہے مذکوریہ کے گھر میں روٹی پانی کیلئے کوئی خرچہ نہ ہے متاثرہ بی بی کے ہاں چند یوم قبل ایک بیٹھے نے جنم لیا خاتون کے پاس اپنے علاج معالجہ کیلئے رقم درکار نہ ہونے پر اس نے اپنے ننھے مولود کو فروخت کرنے کا فیصلہ کر لیا ۔ اہل علاقہ کی طرف سے فروختگی کی اطلاع پر پولیس تھانہ سٹی کے ایس ایچ او موقع پر پہنچ گئے اور خاتون کو اس فعل سے روکتے ہوئے قانونی کاروائی عمل میں لائی ۔ اعلیٰ افسران کے نوٹس کے بعد ایس ایچ او یوسف شہزاد نے بیوہ خاتون کو ماہانہ 5ہزار روپے خرچہ دینے کا فیصلہ کیا ہے ۔ پولیس اقدام پر اہل علاقہ کی طرف خراج تحسین پیش کیا گیا ۔
