چیئرمین فوڈ اتھارٹی پنجاب کو لیگی رہنما کے گھر آٹا بھجوانا مہنگا پڑگیا، ثبوت دیں یا معافی مانگیں، عظمیٰ بخاری نے دھماکہ خیز الزام لگا دیا

  جمعہ‬‮ 24 جنوری‬‮ 2020  |  20:13

لاہور(آن لائن) مسلم لیگ ن پنجاب کی ترجمان عظمیٰ بخاری نے چیئرمین پنجاب فوڈ اتھارٹی پر ہراساں کرنے کا الزام لگاتے ہو ئے کہا کہ عمرتنویر نے میری شہرت کو نقصان پہنچایا۔ مسلم لیگ (ن) پنجاب کی ترجمان عظمیٰ بخاری نے چیئرمین پنجاب فوڈ اتھارٹی عمر تنویر پر ہراساں کرنے کا الزام لگاتے ہوئے مقدمہ درج کروانے کا اعلان کیا ہے، عظمیٰ بخاری کا کہنا تھا کہ عمر تنویر نے مجھے ہراساں کیا، میری شہرت کو نقصان پہنچایااور گھر کی تصویر بنائی لہذا ہراساں کرنے پر ایف آئی آر کے لئے ماڈل ٹاؤن تھانہ میں درخواست دوں گی۔دوسری جانب چیئرمین


پنجاب فوڈ اتھارٹی عمر تنویر جٹ نے عظمیٰ بخاری کو 10 کروڑ روپے ہرجانے کا لیگل نوٹس بھجوایا ہے، لیگل نوٹس میں کہا گیا ہے کہ عظمیٰ بخاری نے میرے کوآرڈینیٹر پر کرپشن کے الزامات لگائے لہذا کرپشن کے الزامات کے ثبوت فراہم کئے جائیں یا معافی مانگی جائے۔

موضوعات: