سکھر(آن لائن)سکھر میں سی ٹی ڈی پولیس کی کارروائی، ڈیرہ اسماعیل خان جیل حملے کا ماسٹر مائنڈ دہشتگرد گرفتار، بارودی مواد برآمد، گرفتار دہشتگرد کا تعلق کالعدم تنظیم ٹی ٹی پی سے ہے عرفان سموں ایس ایس پی، تفصیلات کے مطابق سکھر سی ٹی ڈی پولیس کے ایس ایس پی عرفان سموں کے مطابق سی ٹی ڈی پولیس نے سکھر کے علاقے گوسڑجی لنک روڈ پر کامیاب کاروائی کرتے ہوئے ڈیرہ اسماعیل خان جیل حملے جس میں

جیل سے 150 سے زائد خطرناک قیدی و دہشتگرد فرار ہوئے تھے حملے کے ماسٹر مائنڈ دہشتگرد وقار آمین کو گرفتار کرلیا ہے اور اس کے قبضے سے بارودی مواد، ڈیٹو نیٹر، بولٹ، بال بیرنگ، فیوز اور تار برآمد کی گئی ہے ایس ایس پی کے مطابق گرفتار دہشتگرد کا تعلق کالعدم تحریک طالبان پاکستان سے ہے اور وہ ملک میں ہونے والی دہشت گردی کی کئی وارداتوں میں ملوث رہاہے مزید اس سے تفتیش کی جارہی ہے۔