اسلام آباد(مانیٹرنگ ڈیسک)ایڈیشنل ڈسٹرکٹ اینڈ سیشن کورٹ کے جج سکندر خان نے سابق وزیر دانیال عزیز کے والد انور عزیز کی اپیل پر مبشر لقمان کے وارنٹ گرفتاری جاری کر دیئے۔سابق وزیر دانیال عزیز کے والد انور عزیز نے مبشر لقمان پرمبینہ بہتان تراشی پر اپیل دائر کی تھی۔درخواست میں موقف اختیار کیا گیا تھا کہ مبشر لقمان کی جانب سے ذاتی زندگی پر غلط ریمارکس دیئے گئے۔ عدالت نے مبشر لقمان کے ساتھ ساتھ ضمانتی شخص ریحان کو بھی گرفتار

کرنے کاحکم دے دیا۔ یہ بات بھی قابل غور رہے کہ ضمانتی بھی کیس کی مسلسل تین سماعت سے غیر حاضر تھا ۔ کیس کی سماعت میں مبشر لقمان حاضر ہوتے رہے تاہم تین مسلسل غیر حاضریوں پر عدالت نے وارنٹ گرفتاری جاری کر دیئے۔ جج سنکدر خان نے ایس ایچ او کوہسار کو آئندہ سماعت پرمبشر لقمان کو گرفتار کرکے 22جنوری کو پیش کرنے کا حکم دے دیا۔ وارننگ دی کہ اگر مبشر لقمان کے خلاف حکم پر عمل نہ کیا گیا تو ایس ایچ او کے خلاف کارروائی ہوگی۔