کراچی (مانیٹرنگ ڈیسک)نجی ٹی وی جیو نیوز کے ایک پروگرام میں تجزیہ کاروں کا کہنا تھا کہ مقتدر حلقوں اور ن لیگ کے درمیان ڈیل کی کوششیں ہو رہی ہیں۔فریقین نے ایک دوسرے کو ڈھیل دے رکھی ہے اور یہ خاموشی اس ڈھیل کا نتیجہ ہے ، اس سارے معاملے میں مریم نواز بھی پوری طرح آن بورڈ ہیں، سیاست یا نظریات میں چھٹیاں نہیں ہوتیں چھٹی ہوجاتی ہے۔مریم نواز نے نظریاتی اور سیاسی طور پر متاثر نہیں کیا۔پروگرام میں حفیظ اللّٰہ نیازی

،سلیم صافی ،بینظیر شاہ ،ارشاد بھٹی اور محمل سرفراز نے اظہار خیال کیا۔تجزیہ کارحفیظ اللہ نیازی نے کہا کہ مجھے پرویز رشید کے اس بیان سے تکلیف ہوئی ہے یہ بڑی محنت سے یہاں تک پہنچے اور آئیڈیل ازم کے ساتھ بڑے ہوئے ہیں زندگی موت نواز شریف کا مسئلہ نہیں ہونا چاہئے خدا کے لئے مریم کو اسپیس دے دو احسن اقبال ، خواجہ آصف اور پرویز رشید آپ کے بس کی بات نہیں ہے مریم کو حق بات کرنے دیں اسے کھلا چھوڑ دیں آپ کے لئے بھی بہتری ہے ۔

موضوعات:ن لیگ کے درمیان ڈیل