اسلام آباد (مانیٹرنگ ڈیسک)سینئر تجزیہ کار ڈاکٹر شاہد مسعود نے کہا ہے کہ حسین نواز پہلی دوسری تاریخ کو وطن واپسی کی تیار ی کر رہے ہیں، حسین نواز ملکی احتجاجی معاملات سڑکوں پر جانے کا انتظار کر رہے ہیں، احتجاج کے دوران ہی وہ غیر ملکی میڈیا کیساتھ واپس آئیں گے۔
انہوں نے نجی ٹی وی کے پروگرام میں موجودہ صورتحال پر تبصرہ کرتے ہوئے کہا ہے کہ حسین نواز کی وطن واپسی سے متعلق خبر ہے کہ ملک میں احتجاجی معاملات سڑکوں پر چلے گئے تو وہ وقت ہو گا جس کیلئے حسین نواز بھی واپسی کی تیاری کر رہے ہیں ، وہ پہلی یا دوسری تاریخ کو غیر ملکی میڈیا کیساتھ واپسی کی تیاری کر رہے ہیں ۔ انہوں نے کہا ہے کہ کشیدہ حالات میں پولیس یہ مطالبہ کرنے جارہی ہے کہ ہمیں لکھ کر دیا جائے اور ہدایت کی جائے کہ ہم نے کیا کیا کرنا ہے ؟ کیونکہ سارا ملبہ پولیس پر ڈال دیا جاتا ہے ۔ مقتدر حلقے کوشش کر رہے ہیں کہ معاملات افہام و تفہیم سے حل ہو جائیں لیکن اگر معاملات حل نہیں ہوتے تو پھر ملاک کو نقصاب پہنچے گا ، علماء دین اور سیاسی لوگوں پر ھملے ہونے سمیت مشرقی مغربی سرحد بھی کشیدگی بڑھ سکتی ہے ۔ پاکستان کو افراتفری سے بچانے کیلئے بیرونی دوست ممالک بھی شامل ہو گئے ہیں لیکن سیاسی ڈیڈ لاک برقرار ہے ۔ ابھی یہ معاملات سڑکوں پر نہیں بلکہ ٹی وی شوز پر ہیں لیکن اگر معاملات سڑکوں پر چلے گئے تو ملک خدانخواستہ سیاسی عدم استحکام کا شکار ہو جائے گا ۔ ڈاکٹر شاہد مسعود کا مزید کہنا تھا کہ تمام اسٹیک ہولڈرز کو مل کر معاملات کو حل کرنا چاہیے اگر یہ معاملات ہاتھ سے نکل گئے تو پھر واپسی مشکل ہے ۔
