اسلام آباد (این این آئی) پشتونخواملی عوامی پارٹی نے جے یو آئی کے آزادی مارچ کی حمایت کا اعلان کردیا۔ تفصیلات کے مطابق جے یوائی کی سیاسی رابطہ کمیٹی کے سربراہ اکرم خان درانی نے کوئٹہ میں سربراہ پشتونخواملی عوامی پارٹی محمود خان اچکزئی سے ملاقات کی۔ملاقات کے دوران اکرم خان درانی نے مولانا فضل الرحمن کا خصوصی پیغاممحمود خان اچکزئی تک پہنچایا۔محمود خان اچکزئی نے ستائیس اکتوبر کے آزادی مارچ کی بھرپور حمایت کا اعلان کیا۔محمود خان اچکزئی نے کہاکہ موجودہ حکومت سے ہر طبقہ کے لوگ تنگ ہے، مولانا فضل الرحمن کا بھرپور ساتھ دیں گے۔محمود خان اچکزئی
نے کہاکہ بلوچستان سے جے یوائی کے ہمراہ ہمارے کارکنان بھی بڑی تعداد میں اسلام آباد کا رخ کریں گے۔