اسلام آباد (آن لائن) سعودی عرب کی جانب سے آن لائن ویزہ پالیسی کے اعلان سے غیر قانونی طور پر جانے والے افراد کا راستہ ہموار ہو گیا،قانون نافذ کرنے والے اداروں نے بائیو میٹرک کی تجویز پیش کر دی،معلومات کے مطابق سعودی عرب کی جانب سے تاحال نئے سال کی واضع عمرہ پالیسی کا اعلان نہ ہوسکاہے اور آن لائن ویزا پالیسی کے اعلان کے بعد غیر قانونی طور سعودی عرب داخل ہونے والوں کا راستہ ہموارہو جائے گااس ضمن میں قانون نافذ کرنے والے اداروں نے متعلقہ ملک سے بائیومیٹرک کروانے کی تجویز پیش کردی۔ وزارت حج وعمرہ
کے مطابق رواں سال کے دوران 10ملین غیر ملکی افراد کو عمرہ ویزا جاری کیے جائینگے۔ سعودی عرب کی جانب سے رواں سال 2019-20کیلئے نئی عمرہ پالیسی کا واضع اعلان نہ ہوسکا۔ اہم سفارتی ذرائع کے مطابق سعودی حکومت کی جانب سے آن لائن عمرہ ویز ا جاری کرنے کے اعلان کے بعد غیر قانونی طور پر سعودی عرب جانے والوں کی راہ ہموارہوگئی ہے۔ ذرائع کا کہنا ہے کہ وزارت داخلہ، امیگریشن والوں نے سعودی حکومت کو بائیومیٹرک کو لازمی قراردینے کی تجویز پیش کردی ہے۔توقع ہے کہ آئندہ ماہ (اکتوبر) میں آن لائن عمرہ ویز ا پالیسی پر نظر ثانی کرکے نئی پالیسی کا اعلان کیا جائے گا۔امیگریشن والوں نے خدشات کا اظہار کیا ہے کہ بائیومیٹرک کی تصدیق کے بغیر ویز ا جاری ہونے سے غیرقانونی طور پر سعودی عرب آنے والوں کی راہ ہموار ہونے کے ساتھ سیکیورٹی رسک میں اضافہ ہوگیا ہے، دوسری جانب سعودی عرب ائیرپورٹس پر بائیومیٹرک تصدیق کیلئے مسافروں کی مشکلات میں اضافہ ہوگیا ہے۔واضع رہے کہ گزشتہ ماہ سعودی عرب کی جانب سے آن لائن ویزا جاری کرنے کے بعد عمرہ زائرین گوہ مگوں کی کیفیت کا شکار ہیں،واضع رہے کہ سعودی عرب نے نئی عمرہ پالیسی میں دو ہزار ریال معاف کرنے کے ساتھ ہی 300سعودی ریال (80ڈالر) فیس لاگوکردی گئی ہے۔