لاہور(این این آئی)لاہور ہائیکورٹ نے شہباز فیملی کے خلاف وعدہ معاف گواہ بننے والے شاہد رفیق اور آفتاب کی جانب سے ضمانت کی درخواست پر فریقین کو نوٹس جاری کرتے ہوئے جواب طلب کر لیا۔لاہور ہائیکورٹ کے جسٹس شاہد وحید کی سربراہی میں بنچ نے سماعت کی۔شاہد رفیق اور آفتاب محمود کی جانب سے جسٹس (ر)کاظم علی ملک اور عذیر ساجد ایڈووکیٹ نے دلائل دئیے۔درخواست گزاروں کی جانب سے موقف اپنایا گیاکہ

شہباز شریف اور ان کے اہل خانہ کی کرپشن سے متعلق وعدہ معاف گواہ بن کر بیانات ریکارڈ کروا دئیے ہیں۔حمزہ شہباز سمیت دیگر کی کرپشن مین سہولت کار کا کردار ادا کیا۔عثمان انٹرنیشنل نامی کمپنی سے رقوم شریف فیملی کو منتقل کیں،برطانیہ سمیت دیگر ممالک کے جعلی افراد کے نام پر کالا دھن سفید کیا۔ کرپشن سے متعلق بیان ریکارڈ کروانے کے بعد جوڈیشل ریمانڈ پر جیل بھیج دیا گیا ہے۔ استدعا ہے کہ درخواست ضمانت منظور کی جائے۔