اسلام آباد(آن لائن)نیشنل ڈیزاسٹر مینجمنٹ اتھارٹی(این ڈی ایم اے)نے 25 جولائی سے ملک بھر میں ہونے والی بارشوں اور سیلاب کے نتیجے میں ہونے والے نقصانات کے حوالے سے اعداد و شمار جاری کردیئے،مون سون کی حالیہ بارشوں کے نتیجے میں پنجاب میں مجموعی طور پر 4 افراد جاں بحق اور گیارہ زخمی ہوئے۔
ترجمان نیشنل ڈیزاسٹر مینجمنٹ اتھارٹی کے مطابق خیبرپختونخوا میں بارشوں اور سیلابی ریلے سے چار جاں بحق جبکہ 9 افراد زخمی ہوئے۔ ترجمان کے مطابق دریائے سندھ اور دریائے کابل میں درمیانے سے اونچے درجے کا سیلاب متوقع ہے۔ ترجمان این ڈی ایم اے کے مطابق دریائے جہلم میں منگلا کے مقام پر اونچے درجے کا سیلاب متوقع ہے۔ترجمان این ڈی ایم اے کے مطابق بارشوں اور سیلاب کے نتیجے میں میں مجموعی طور پر ملک بھر میں 62 افراد جاں بحق ہوئے۔ترجمان این ڈی ایم اے کے مطابق این ڈی ایم اے نے سیلاب اور بارشوں سے متاثرہ علاقوں میں 2اعشاریہ ایک ٹن خوراک تقسیم کی،این ڈی ایم اے بارشوں اور سیلاب سے متاثرہ علاقوں میں پانچ سو ٹینٹس تقسیم کیے۔ترجمان کے مطابق حالیہ بارشوں کے نتیجے میں مجموعی طور ملک بھر میں 62 افراد جاں بحق ہوئے،بارشوں کے نتیجے میں 71 افراد زخمی ہوئے۔ترجمان کے مطابق پنجاب میں 14 افراد جاں بحق جبکہ 36 افراد زخمی ہوئے، خیبر پختونخواہ میں 16 افراد جاں بحق جبکہ 18 زخمی ہوئے۔این ڈی ایم اے کے مطابق ازاد جموں کشمیر میں 22 افراد جاں بحق جبکہ 7 زخمی ہوئے، بلوچستان میں 10 افراد جاں بحق جبکہ 10 زخمی ہوئے۔