اسلام آباد (نیوز ڈیسک) پاکستان پیپلز پارٹی کے چیئرمین بلاول بھٹو نے جلسے سے خطاب کرتے ہوئے کہا کہ اب قربانی کے جانور پر بھی ٹیکس دینا ہو گا، اس کے ردعمل میں وفاقی وزیر برائے ریونیوحماد اظہر نے اپنے ٹوئٹر پیغام میں شدید ردعمل دیتے ہوئے کہا کہ اس سے قبل کہ یہ خبر پھیلے میں اس کی تردید کرتاہوں، انہوں نے اپنی تقریر میں پوائنٹ سکورنگ

کے لیے جھوٹی خبر پر انحصار کیا۔ واضح رہے کہ یہ خبر سوشل میڈیا، اخبارات اور ٹی وی چینلز پر بھی ایف بی آر کے حوالے سے چلتی رہی ہے کہ چالیس ہزار سے زیادہ مہنگاجانور خریدنے پر ٹیکس لگا دیا گیا ہے اور جانور خریدتے وقت ادائیگی کیش نہیں بلکہ چیک کی صورت میں ہو گی۔ اس خبر کی وفاقی وزیر حماد اظہر نے سختی سے تردید کی ہے۔

موضوعات:حماد اظہر