اسلام آباد(این این آئی) سپریم کورٹ آف پاکستان نے وفاقی وزیر شیخ رشید،راشد شفیق ،کمشنر اور ڈپٹی کمشنر راولپنڈی کیخلاف توہین عدالت کی درخواستیں نمٹا دیں۔ سپریم کورٹ میں وزیر ریلوے شیخ رشید کیخلاف گرلز گائیڈ کی درخواست پر سماعت جسٹس عظمت سعید کی سربراہی میں تین رکنی بنچ نے کی ۔ عدالت نے وفاقی وزیر ریلولے شخ رشیداحمد راشد شفیق،کمشنر اور ڈپٹی کمشنر راولپنڈی کیخلاف توہین عدالت کی درخواستیں نمٹا دیں۔عدالت نے گرلز گائیڈ کو دی جانیوالی لیز اراضی کو صرف گرلز گائیڈ کے استعمال کیلئے پابند کر دیا۔گرلز گائیڈ کی

وکیل عائشہ حامد نے بھی معاملہ نمٹانے پر رضامندی کا اظہار کیا۔ عائشہ حامد نے کہاکہ پنجاب حکومت کے وکیل نے گرلز گائیڈ کیساتھ مکمل تعاون کیا ہے۔عائشہ حامد نے کہاکہ گرلز گائیڈ کی اراضی کی دوبارہ پیمائش کی گئی جس میں اراضی 13 کنال 18 مرلے نکلی۔ایڈیشنل ایڈوکیٹ جنرل پنجاب نے استدعا کی کہ اضافی 3 کنال 18 مرلے نکلنے والی اراضی ملحقہ ہسپتال کو دی جائے عدالت نے استدعا مسترد کر دی۔ ایڈیشنل ایڈووکیٹ جنرل پنجاب نے کہاکہ گرلز گائیڈ کی گرائی جانیوالی دیوار اگلے دن ہی تعمیر کر دی تھی۔ عدالت نے معاملہ نمٹا دیا۔