راولپنڈی(آن لائن)قتل اور منشیات کے مقدمات کی فوری سماعت اور کیلئے پاکستان بھر میں قائم 116 ماڈل عدالتوں نے بدھ کے روز 137 مقدمات کے فیصلے سنا دیئے، بلوچستان کے ضلع پنجگور میں قتل اور منشیات کا کوئی کیس باقی نہ رہا،ا سلام آباد میں 5 ، پنجاب اور کے پی کے

میں34 ، 34 ، سندھ میں 24 ، بلوچستان میں 40 مقدمات کے فیصلے کئے گئے ماڈل کورٹس نے اسلام آباد میں منشیات کے 5،پنجاب میں قتل کے 8 اور منشیات کے 26 ، خیبر پختونخواہ میں قتل کے 16 اور منشیات کے 18 ، سندھ میں قتل کے 9 اور منشیات کے 15 اور بلوچستان میں قتل کے 18 اور منشیات کے 22 کیس نمٹائے مجموعی طور پر 668 گواہوں کے بیانات قلمبند کئے گئے سپریم کورٹ مانیٹرنگ سیل کے ڈائریکٹر جنرل سہیل ناصر کے مطابق چیف جسٹس آصف سعید خان کھوسہ کی ہدایات پر قائم کی گئی ماڈل کورٹس تیز رفتاری سے مقدمات کی سماعت کر رہی ہیں اور پولیس سمیت تمام متعلقہ سرکاری محکموں اور اداروں کی معاونت حاصل کی جارہی اور اس امر کو ممکن بنایا جارہا ہے کہ مقدمات کے فیصلوں میں کسی قسم کی تاخیر واقع نہ ہو انہوں نے کہاکہ ماڈل کورٹس کی بدولت اگلے چند دنوں میں پاکستان کے کئی اضلاع سے قتل اور منشیات کے مقدمات کا مکمل خاتمہ ہو جائے گا اور یہ بہت بڑ ی کامیابی ہو گی سہیل ناصر نے کہاکہ گزشتہ10 سے 15 سالہ پرانے مقدمات کے بھی فوری فیصلے ہو رہے ہیں۔