اسلام آباد(مانیٹرنگ ڈیسک)لاہورمیں مبینہ طور پر شوہر نے دوستوں کے سامنے رقص کرنے سے انکار پر بیوی پر تشدد کیا اور اس کے بال کاٹ دیے۔نجی ٹی وی کے مطابق اسما عزیز نامی خاتون نے ویڈیو بیان دیتے ہوئے الزام لگایا ہے کہ اس کا شوہر فیصل روزانہ دوستوں کو گھر لاتا اور ان کے سامنے اسے رقص کرنے کا کہا کرتا تھا، انکار پر شوہر نے دوستوں کے ساتھ مل کر تشدد کیا اورسر کے بال بھی مونڈ دیے جبکہ ملازمین کے سامنے برہنہ کیا اور الٹا لٹکانے
کی کوشش کی۔خاتون نے بتایا کہ ان کی فیصل نامی شخص سے چار سال قبل پسند کی شادی ہوئی تھی، شوہر نے اس کے پیسے بھی ہڑپ کرلیے۔خاتون نے الزام لگایا کہ شوہر کے تشدد کے بعد گھر سے بھاگ کر پولیس تھانے پہنچی اور مقدمہ درج کرنے کا مطالبہ کیا جس پر پولیس نے مقدمہ درج کرنے سے انکار کیا اور پیسے طلب کیے۔ بعد ازاں معمولی دفعات کے تحت مقدمہ درج کیا۔انہوں نے وزیر اعلیٰ پنجاب سے انصاف اور تحفظ دینے کا مطالبہ کیا ہے ۔
