اسلام آباد (این این آئی)اسلام آباد ہائی کورٹ العزیزیہ سٹیل ملز ریفرنس میں سابق وزیر اعظم نواز شریف کی طبی بنیادوں پر سزا معطلی کا فیصلہ پیرکو سنائیگی ۔ تفصیلات کے مطابق اسلام آباد ہائیکورٹ25 فروری پیر کودن بارہ بجے نواز شریف کی درخواست پر فیصلہ سنائیگی۔نواز شریف نے طبی بنیادوں پر سزا معطل کر کے ضمانت پر رہا کرنے کی استدعا کر رکھی ہے۔اسلام آباد ہائیکورٹ کے

جسٹس عامر فاروق اور جسٹس محسن اختر کیانی پر مشتمل دو رکنی بینچ نے 20 فروری کو نواز شریف کی درخواست ضمانت پر فیصلہ محفوظ کیا تھا ۔نیب نے نواز شریف کو ضمانت پر رہا کرنے کی مخالفت کی تھی۔احتساب عدالت نے نواز شریف کو العزیزیہ ریفرنس میں 7 سال قید کی سزا سنائی تھی۔نواز شریف کوٹ لکھپت جیل میں قید، بیماری کے باعث جناح ہسپتال میں ہیں۔