کراچی (این این آئی) کراچی کی احتساب عدالت نے ڈاکٹر عاصم کی علاج کے لئے بیرون ملک جانے کی درخواست منظور کرلی،، عدالت میں طبیعت خراب ہونے پر ڈاکٹر عاصم کو ایمبولینس کے ذریعے اسپتال منتقل کردیا گیا۔جمعرات کو احتساب عدالت میں ڈاکٹر عاصم کے بیرون ملک علاج سے متعلق کیس کی سماعت ہوئی۔ عدالت میں ڈاکٹر عاصم کی طبیعت بگڑ گئی جس پر ان کا طبی معائنہ کیا گیاڈاکٹرز کے مطابق ڈاکٹر عاصم کی ای سی جی

رپورٹ ٹھیک نہیں آئی، ڈاکٹر عاصم کو فوری طورپر اسپتال منتقل کرنے کیلئے ایمبولینس طلب کی گئی اور انہیں اسپتال کیلئے روانہ کردیا گیا،عدالت نے ڈاکٹر عاصم کی علاج کے لئے بیرون ملک جانے کی درخواست منظور کرلی ، ڈاکٹر عاصم کوایک ماہ کے لئے بیرون ملک جانے کی اجازت دی گئی ہے ، ریفرنس میں نیب کے گواہ واثق الیاس کا بیان قلم بند کرلیا گیا،، عدالت نے ریفرنس کی مزید سماعت پانچ مارچ تک ملتوی کردی ہے ۔

موضوعات:ڈاکٹر عاصم