لاہور ( این این آئی) چیف جسٹس آف پاکستان جسٹس میاں ثاقب نثار نے زینب قتل کیس کے مجرم کی سزا پر عملدرآمد سے متعلق رپورٹ طلب کرلی۔سپریم کورٹ لاہور رجسٹری میں سانحہ ماڈل ٹائون کیس کی سماعت کے دوران قصور میں زیادتی کے بعد بیدردی سے قتل کی جانے والی 6 سالہ بچی زینب کا تذکرہ بھی سامنے آیا۔چیف جسٹس میاں ثاقب نثار نے استفسار کیا کہ کیا زینب کے قاتل کی سزا پر عملدرآمد ہوگیا؟۔سرکاری وکیل نے بتایا کہ مجرم کی جانب سے رحم کی اپیل دائر کی گئی ہے۔

چیف جسٹس نے رجسٹرار سپریم کورٹ سے مجرم کی سزا پر عملدرآمد سے متعلق رپورٹ طلب کرلی۔یاد رہے کہ رواں سال جنوری میں 6 سالہ زینب کو اغواء کیا گیا اور پھر ریپ کا نشانہ بنانے کے بعد اسے قتل کردیا گیا تھا، قتل میں ملوث عمران علی کو 3ہفتے بعد گرفتار کرلیا گیا تھا، جسے انسدادِ دہشت گردی عدالت کی جانب سے سزائے موت سنائی گئی۔بعد ازاں 12جون کو سپریم کورٹ نے زینب قتل کیس میں مجرم عمران کی جانب سے سزائے موت کے خلاف کی گئی اپیل بھی خارج کردی تھی۔

موضوعات:چیف جسٹس ثاقب نثار زینب قتل کیس