اسلام آباد(آئی این پی ) پاکستان پیپلزپارٹی کے رہنما اورپی پی پی کے صدارتی امیدوار اعتزاز احسن نے کہا ہے کہ مسلم لیگ (ن) کے رہنما سینیٹرپرویز رشید سے توقع نہیں تھی کہ وہ میرے بارے میں ایسی بات کریں گے ، اے پی سی میں میرے نام پر غور کیا گیا ہے ، صدارتی انتخاب میں حکومت اور اپوزیشن کا ایک ایک امیدوار ہو تو جیت اپوزیشن کی ہوگی ۔ وہ پیر کویہاں میڈیا سے گفتگو کر رہے تھے ۔ اعتزاز احسن نے کہا کہ عمران خان پرانے پڑوسی ہیں ان سے اب بھی دوستی ہے ، پرویز رشید سے توقع نہیں تھی کہ وہ میرے بارے

میں ایسی بات کریں گے ، اے پی سی میں احسن اقبال نے کہا پرویز رشید نے جو معافی سے متعلق کہا وہ ان کی ذاتی رائے تھی ، اگر معافی مانگنے کے کھاتے کھل جائیں تو بات دور تک جائے گی ، میرے تو صرف بیانات ہیں ،انہوں نے تو ملک قیوم کے ذریعے بینظیر اور آصف زرداری کو سزا دلوائی ۔ انہوں نے کہا کہ عدلیہ بحالی تحریک میں میاں صاحب کے ساتھ تھا، اے پی سی میں میرے نام پر غور کیا گیا ہے ، لانگ مارچ کا فیصلہ میاں صاحب کا نہیں وکلاء کا تھا،  نوازشریف کا کیس نہیں لڑوں گا، ان کو بظاہر فیئر ٹرائل ملا ہے ۔

موضوعات:اعتزاز احسن