لاہور (نیوز ڈیسک) تحریک انصاف کے کچھ اراکین اسمبلی نے اپنی تنخواہیں اور مراعات وصول نہ کرنے کا فیصلہ سنایا اور کچھ نے اپنی تنخواہ ڈیم فنڈ میں دینے کا اعلان کیا تو ان کی سوشل میڈیا پر تعریف کا سلسلہ شروع ہو گیا، لوگوں نے ان کے اس عمل کو بہت سراہا، مگر اب معروف صحافی عمر چیمہ نے شہباز شریف کے متعلق ایسا انکشاف کیا ہے کہ آپ بھی حیران رہ جائیں گے،
معروف صحافی عمر چیمہ نے سماجی رابطے کی ویب سائٹ ٹوئیٹر پر اپنے پیغام میں لکھا کہ شہباز شریف نے 10 سال بحیثیت وزیراعلیٰ پنجاب کبھی بیرون ملک سفر سرکاری خرچے پر نہیں کیا (یہ معلومات پنجاب اسمبلی میں ق لیگ کے ممبر کے سوال پر فراہم کی گئی تھیں) جبکہ تنخواہ ایک ٹی بی ہسپتال کو جاتی تھی، نواز شریف کی ماہانہ تنخواہ کا چیک حیدرآباد کے ایک سکول کو جاتا تھا۔
