اسلام آباد(مانیٹرنگ ڈیسک)پندرویں قومی اسمبلی کا پہلا اجلاس، بلاول اور آصف زرداری نے کارنر سیٹس سنبھال لیں، رانا تنویر اور نفیسہ شاہ بلاول اور شہباز کے درمیان براجمان، عمران خان کے ایک جانب شیریں مزاری اور دوسری طرف موجود نشست پر شاہ محمود قریشی تشریف فرما ہو گئے۔ تفصیلات کے مطابق پندرویں قومی اسمبلی کا پہلا اجلاس آج پارلیمنت ہائوس اسلام آباد میں سپیکر ایاز صادق کی زیر صدارت منعقد ہو رہا ہے ۔ اجلاس میں نو منتخب اراکین اسمبلی آج حلف اٹھائیں گے۔قومی اسمبلی اجلاس کے موقع پر بلاول
اور آصف زرداری بھی موجود ہیں اور دونوں باپ بیٹے کارنر سیٹس پر موجود ہیں۔ آصف زرداری کے ساتھ نوید قمر موجود ہیں جبکہ بلاول اور شہباز ایک ہی قطار میں موجود ہیں لیکن دونوں کے درمیان نفیسہ شاہ اور رانا تنویر موجود ہیں۔ جبکہ تحریک انصاف کے چیئرمین عمران خان بھی اجلاس کے موقع پر موجود ہیں اور انہوں نے سفید شلوار قمیض پہن رکھی ہے ان کے ایک جانب کارنر پر شیریں مزاری جبکہ دوسری جانب شاہ محمود قریشی نشست پر براجمان ہیں۔ عمران خان اس نشست پر بیٹھے ہیں جہاں کبھی نواز شریف بیٹھا کرتے تھے۔
