اسلام آباد(نیوزڈیسک) تحریک انصاف کے سربراہ عمران خان نے 14 اگست کے حوالے سے اپنے پیغام میں کہا ہے کہ میں چاہتا ہوں کہ پوری قوم ’یوم آزادی‘ منائے۔سوشل میڈیا پر جاری پیغام میں عمران خان نے کہا کہ میں چاہتا ہوں کہ پوری قوم 14اگست کو خصوصی طور پر نہایت ہی اہتمام سے منائے۔
انہوں نے کہا کہ یوم آزادی پر عوام بھرپور جوش و جذبے کا اظہار کریں، خاص طور پر ایسے وقت میں جب ہم نئے پاکستان کے قیام کی منزل کی جانب گامزن ہیں۔عمران خان نے نئے پاکستان کے حوالے سے کہا کہ یہ نیا پاکستان انشا اللہ قائداعظم محمد علی جناح ؒ کے تصورات پر مبنی ہوگا ۔
