لاہور (مانیٹرنگ ڈیسک)معروف اینکر پرسن نے الیکشن سے قبل پاکستانی قرضے اتارنے کیلئے بہترین حل پیش کر دیا ہے ۔ خبر کی تفصیلات کے مطابق سینئر اینکر پرسن مبشر لقمان نے پاکستانی قرضے اتارنے کیلئے ایسی تجویز پیش کر دی ہے کہ الیکشن سے قبل پاکستانی قرضے اتر سکتاہے۔ سوشل میڈیا پر جاری ایک پیغام میں مبشر لقمان کا کہنا تھا کہ الیکشن میں حصہ لینے والے امیدواروں کے ڈیکلیئرکردہ اثاثوں کو دگنی قیمت پر

خرید کر انہیں اوپن مارکیٹ میں فروخت کردیئے جائے تو پاکستان کا سارا قرضہ اتر سکتا ہے ۔ سماجی رابطے کی ویب سائٹ ٹویٹر پر انہوں نے ایک پیغام جاری کیا جس میں ان کا کہنا تھا کہ پاکستانی حکومت اپنا غیر ملکی قرضہ الیکشن سے قبل ہی اتار سکتی ہے ۔ وہ الیکشن میں حصہ لینے والے امیدواروں کے ڈیکلئیئرڈ اثاثوں کو دوگنی قیمت پر خرید ے اور انہیں اوپن مارکیٹ میں فروخت کر دے اس طرح پاکستان پر سارا قرضہ اتارا جا سکتا ہے ۔ واضح رہے کہ الیکشن میں حصہ لینے والے امیدواوں نے اپنے جائیدادوں کی اتنی کم قیمت ظاہر کی ہے کہ کوئی بھی پاکستانی اس یقین کرنے کیلئے تیار نہیں ۔ پاکستان کے سابق وفاقی وزیر سعد رفیق نے لاہور میں 2مکانوں کی قیمت 1لاکھ 25ہزار ظاہر کی ہے ،دیکھا جائے تو اندرون لاہور میں پراپراٹی بحریہ ٹائون اور ڈیفنس سے بھی کئی گنا مہنگی ہے ۔ اسی طرح شہباز شرف نے مری میں ایک بنگلے کی قیمت 27ہزار اور دوسرے کی صرف 34ہزار ظاہر کی ہے ۔ ان کے یہ دونوں گھر مرحلوں میں نہیں بلکہ کنالوں پر محیط ہیں ۔ مری جانےوالا ہر پاکستانی شہری جانتا ہے کہ وہاں اخراجات پر 34 ہزار سے زیادہ خرچ ہوتا ہے۔ جبکہ پاکستان پیپلز پارٹی کے سربراہ بلاول ہائوس کراچی کے گھر کی قیمت 30لاکھ روپے ظاہر کی ہے ۔

موضوعات:پاکستانی قرضے مبشر لقمان