اسلام آباد (نیوز ڈیسک) سینئر صحافی اظہر جاوید نے دعویٰ کیا ہے کہ عمران کے پاس اقامہ سے بھی زیادہ طاقتور چیز موجود ہے جس کی وجہ سے عمران خان وزیراعظم نہیں بن سکیں گے، سینئر صحافی اظہر جاوید نے سماجی رابطے کی ویب سائٹ ٹوئیٹر پر اپنے پیغام میں لکھا کہ ذرائع نے تصدیق کی ہے کہ

عمران خان کے پاس بھی لامتناعی مدت کے لیے قیام کا اجازت نامہ ہے جسے عمومی طور پر پرمننٹ ریذیڈنسی کے نام سے بھی جانا جاتا ہے، سینئر صحافی اظہر جاوید نے وضاحت کرتے ہوئے مزید لکھا کہ یہ اقامہ سے زیادہ طاقتور ہے کیونکہ اقامہ کی مدت ایک مخصوص وقت کے لیے ہوتی ہے جبکہ سیٹلمنٹ پوری زندگی کے لیے ہوتا ہے، سینئر صحافی نے اپنے ٹویٹ میں لکھا کہ کیا عمران خان بھی اس وجہ سے نااہل ہوسکتے ہیں۔ واضح رہے کہ سابق وزیراعظم میاں محمد نواز شریف کو سپریم کورٹ نے اقامہ رکھنے کے الزام میں نااہل قرار دیا، دوسری جانب خواجہ آصف کو بھی اقامہ رکھنے کی پاداش میں نااہل قرار دے دیا گیا۔ اظہر جاوید کے اس ٹوئیٹ کے جواب میں صارفین نے اپنی مختلف رائے کا اظہار کیا، ایک صارف نے لکھا کہ عمران خان لاڈلا ہے اس کے خلاف کچھ نہیں ہوسکتا۔ ایک اور صارف آفریدی نے لکھا کہ یقین کرنا مشکل ہے لیکن آپ کی اطلاع کے لیے عرض ہے کہ ن لیگ کے رہنماؤں کے اقامہ کی بنیاد ملازمت اور اکاؤنٹس چھپانے پر تھی جس کی وجہ سے وہ نااہل ہوئے جبکہ آئی ایل آر ضروری نہیں۔ ایک صارف شاہ جہان اترا نے اپنے ٹویٹ میں لکھاکہ عمران خان کو بھی ہونا چاہیے۔ ایک اور صارف مزمل اسلم نے کہا کہ مستقل سکونت مسئلہ نہیں ہے، مسئلہ تب آتا ہے جب کسی کے پاس آمدن کا ذریعہ ہوتا ہے اور عوامی عہدہ رکھنے کے باوجود اس کے بارے میں نہیں بتایا جاتا، مزید یہ کہ سرمایہ کاری قابل قبول ہے لیکن تنخواہ پر کام کرنا ممنوع۔

موضوعات:عمران