عمران اکیلا یہ کام نہیں کرسکتا، ملوث عناصر منہ کھولنے سے قبل پولیس مقابلے میں مروا سکتے ہیں، زینب کے والد نے آرمی چیف سے مدد کی اپیل کرتے ہوئے کیا انکشاف کر ڈالا

اسلام آباد (مانیٹرنگ ڈیسک)زینب اور قصور کی بچیوں کے سیریل کلر عمران کو پولیس مقابلے میں مارے جانے کا خدشہ، عمران اکیلا یہ کام نہیں کر سکتا، انٹرنیشنل اور لوکل عناصرملوث ہو سکتے ہیں، زینب کے والد عمران نے قصور اور لاہور پولیس پر شک ظاہر کرتے ہوئے آرمی چیف سے انصاف کے تقاضے پورے کئے جانے کی اپیل کر دی۔ تفصیلات کے مطابق زینب کے والد محمد امین انصاری نے نجی ٹی وی پروگرام میں بات کرتے ہوئے قصور کے سیریل کلرعمران کو پولیس مقابلے میں مارے جانے کا خدشہ ظاہر کرتے ہوئے شک کا اظہار کرتے ہوئے کہا ہے کہ عمران اکیلا یہ کام نہیں کر سکتا ہے اس میں انٹرنیشنل اورلوکل عناصر ملوث ہو سکتے ہیں ،ڈر ہے کہ عمران کو پولیس مقابلے میں نہ مار دیا جائے۔ ان کا کہنا تھا کہ انصاف کے تقاضے پورے کئے جانے میں رکاوٹیں حاصل کی جا رہی ہیں۔ انہوں نے آرمی چیف جنرل قمر جاوید باجوہ سے ایک مرتبہ پھر مدد کی اپیل کرتے ہوئے کہا کہ آرمی چیف اس معاملے میں ان کی مدد کریں۔