اسلام آباد(مانیٹرنگ ڈیسک)پاکستان کے صوبہ پنجاب کے قتل ہونے والے گورنر سلمان تاثر کے بیٹے شان تاثیر نے اپنے فیس بک اکائونٹ پر خلافت احمدیہ زندہ باد، ایک قوم، ایک خون، ایک پاکستان کا نعرہ پوسٹ کر دیا۔ تفصیلات کے مطابق پاکستان کےپنجاب کے قتل ہونے والے گورنر سلمان تاثیر کے بیٹے شان تاثیر نے اپنے فیس بک اکائونٹ پر قادیانیوں کی کھلم کھلا حمایت میں خلاف احمدیہ زندہ باد، ایک قوم، ایک خون ، ایک پاکستان کا نعرہ پوسٹ کیا

ہے جس کے بعد ان کی اس پوسٹ پر شدید ردعمل دیکھنے میں آرہا ہے۔ واضح رہے کہ شان تاثیر کے والد سابق گورنر پنجاب سلمان تاثیر کو ان کی حفاظت پر مامور ایک پولیس کانسٹیبل ممتاز قادری نے ناموس رسالتؐ قانون کو کالا قانون قرار دینے پر اسلام آباد کے ایک ریسٹورنٹ سے کھانا کھا کر باہر آتے ہوئے گولیاں مار کر قتل کر دیا تھا جس کے بعد مقدمے میں ممتاز قادری کو سزائے موت سنا دی گئی تھی اور بعد ازاں پھانسی دیدی گئی تھی۔

موضوعات:خلاف احمدیہ سلمان تاثیر شان تاثیر قادیانی