اسلام آباد (مانیٹرنگ ڈیسک) مسلم لیگ (ن) کے رہنما اور سابق وزیراعظم میر ظفراللہ جمالی کی تحریک انصاف میں شمولیت کی خبریں، تفصیلات کے مطابق میر ظفر اللہ جمالی کی تحریک انصاف میں شمولیت کی قیاس آرائیاں جاری ہیں۔ سوشل میڈیا پر افواہوں نے

ماحول گرما رکھا ہے کہ سابق وزیراعظم میر ظفر اللہ جمالی تحریک انصاف میں شمولیت اختیار کرنے پر غور کر رہے ہیں۔ ظفر اللہ جمالی اپنی جماعت مسلم لیگ (ن) کی قیادت کے رویے سے سخت نالاں ہیں اس کے علاوہ ختم نبوت قانون میں ترمیم پر بھی ظفر اللہ جمالی نے حکومت سے ناخوش تھے اور سخت تنقید کی تھی۔ اس کے علاوہ بھی میرظفراللہ جمالی مختلف ٹی وی پروگراموں میں مسلم لیگ (ن) اور نواز شریف پر تنقید کرتے رہے ہیں، ان کی تحریک انصاف میں شمولیت کے حوالے سے ابھی تصدیق نہیں ہو سکی ہے۔ واضح رہے کہ چند دن قبل تحریک انصاف کے رہنما شاہ محمود قریشی نے قومی اسمبلی میں اظہار خیال کرتے ہوئے کہا کہ ہم نے قومی مسئلہ حل کرنے میں کردار ادا کیا، بتایا جائے کہ بل میں غلطی کا ذمہ دار کون ہے؟ حلف نامے میں کلیریکل نہیں، یہ المناک غلطی تھی۔ اس موقع پر مسلم لیگ کے رہنما میر ظفر اللہ جمالی نے بھی کہا کہ حکومت کی عدلیہ سے بلاواسطہ جنگ شروع ہو چکی ہے، خدا کرے شہباز شریف اپنی بات پر قائم رہیں۔ اس موقع پر دونوں رہنماؤں نے حلف نامے میں تبدیلی کے ذمہ دار کو سزا دینے کا مطالبہ بھی کیا۔

موضوعات:میر ظفراللہ جمالی