سکھر(آن لائن)پاکستان تحریک انصاف کے مرکزی رہنما و سابق وزیر اعلیٰ لیاقت جتوئی نے پاکستان پیپلزپارٹی کے چئیرمین بلاول بھٹو کی جانب سے اپنے اوپر لگائے گئے کرپشن کے الزامات پر کہا ہے کہ بلاول بھٹو اپنی زبان پر قابو رکھیں اور اگر وہ الزامات لگانے سے باز نہ آئے اور ہم نے اپنی زبان کھول دی تو پھر سندھ بھی نہیں آسکیں گے اس کا باپ تو کرپشن کا بادشاہ ہے اور وہ الزامات ہم پر لگاتے ہیں اس کا باپ تو ملک کے

چھیالیس سو ارب روپے لے کر بھاگا تھا بلاول بھٹو کی خود کرپشن کی پیداوار ہیں اور ان کی پرورش بھی کرپشن کے پیسے سے ہوئی ہے سکھرمیں تحریک انصاف سندھ کے صدر ڈاکٹر عارف علوی کے ہمراہ جتوئی ہاؤ س پر پریس کانفرنس کرتے ہوئے انہوں نے مزید کہا کہ بلاول بھٹو زردادری پہلے آئینہ دیکھ لیں مجھے تو ان کے ماما نوازشریف نے کرپشن پر نہیں بلکہ اپنا فرنٹ میں لانے کے لیے ہٹایا تھا میں نے ایک انچ بھی زمین کسی کو نہیں دی مراد علی شاہ تو ماہانہ پانچ ارب روپے زرداری کو دیتے ہیں وہ اپنے باپ کو پہلے دیکھ لیں پھر بات کریں انہوں نے کہا کہ عام انتخابات میں زرداری لیگ کا سندھ میں ہر سیٹ پر مقابلہ کریں گے اور انشاء اللہ تحریک انصاف کامیاب ہو گی انہوں نے کہا کہ فاطمہ بھٹو ہمارے لیے قابل احترام ہیں کیونکہ ان کا تعلق جمہوریت کے لیے قربانیاں دینے والے بھٹو خاندان سے ہے انہون نے کہا کہ سندھ میں عمران خان کے جلسوں سے پیپلزپارٹی والے حواس باختہ ہوگئے ہیں وہ نقصان پہنچا کر ہمیں ڈرا رہے ہیں مگر وہ سن لیں کہ ہم کسی سے ڈرنے والے نہیں دس بارہ سالوں سے ان کا مقابلہ کرتے آئے ہیں اور کرتے رہیں گے۔

موضوعات:لیاقت جتوئی