اسلام آباد (آن لائن) پاکستان تحریک انصاف کے راہنما نعیم الحق نے کہا ہے کہ اعتماد ہے سپریم کورٹ کا فیصلہ مفروضوں پر نہیں بلکہ حقائق پر مبنی ہو گا قطری خط کے ذریعے عوام کو بے وقوف بنانے کی حقیقت قوم کے سامنے آ جائے گی ۔ ان خیالات کا اظہار انہوں نے سپریم کورٹ کے باہر میڈیا سے گفتگو میں کیا ۔ نعیم الحق نے کہا کہ جعلی کہانی قطری خط کے ذریعے پیش کی گئی ۔ نواز شریف نے

ڈیڑھ سال سے قوم سےجھوٹ بولا اور قوم کو بے وقوف بنایا مگر چند دنوں میں قوم کے سامنے پانامہ لیکس کی حقیقت واضح جو جائے گی اور حکمرانوں کی پوری پوری قوم کے سامنے عیاں ہو گی ۔ انہوں نے کہا کہ وزیر اعظم نواز شریف نے پریس کانفرنس کرنے والے وزراء کو بے وقوف بنایا جنہوں نے جے آئی تی کو متنازعہ بنانے کی کوشش کرتے ہوئے جے آئی ٹی اور سپریم کورت پر دباؤ ڈالنے کی کوشش کی ۔

موضوعات:تحریک انصاف