تھرپارکر(مانیٹرنگ ڈیسک ) صوبہ سندھ کے شہر تھر پارکر میں ایک گائوں کو آگ نے لپیٹ میں لے رکھاہے اوریہ آگ اب اورعلاقوں کی طرف بھی پھیل رہی ہے ،نجی ٹی وی کے مطابق بدھ کی شام تھرپارکرکے گائوں اسلام کوٹ میں ایک گھرمیں اچانک آگ بھڑک اٹھی جس نے دیکھتے ہی دیکھتے پریشان کن صورتحال اختیارکرلی اورکچھ لمحوں میں ہی پورے گائوں

کواپنی لپیٹ میں لے لیاجس کے باعث اس گائوں کے تقریبا500کے قریب مکانات جل کرخاکسترہوگئے اوراس آگ کی لپیٹ میں آکرسینکڑوں مویشی بھی ہلاک ہوگئے ہیں جبکہ متعدد مرد،خواتین اوربچے بھی اس آگ کی وجہ سے جھلس گئے ہیں ،آخری اطلاعات تک اس آگ پرابھی تک قابونہیں پایاجاسکاہے ۔علاقے کے لوگ اپنی مددآپ آگ پرقابوپانے کی کوششوں میںمصروف ہیں ۔

موضوعات:آگ