کراچی(مانیٹرنگ ڈیسک) سابق آرمی چیف جنرل راحیل شریف کے والد نے پیش گوئی کی تھی کہ ان کابیٹاراحیل شریف پاک فوج کاسربراہ بنے گااوریہ پیشگوئی سچ ثابت ہوئی ۔معروف صحافی ضیاشاہد نے اپنے کالم میں لکھاہے کہ ’’ہرباپ کی طرح میجر رانامحمدشریف کو بھی اپنے تیسرے بیٹے سے بہت سی امیدیں وابستہ تھیں،راحیل شریف کے بارے میں ان کے والد نے کیپٹن موسیٰ خان کے سامنے ایک مخیرالعقول پیش گوئی کہ راحیل شریف چیف آف آرمی سٹاف بنے گا،

شہید شبیر شریف اور غازی ممتازشریف کے والد رانا محمد شریف کی یہ پیش گوئی پچیس سال بعد حرف بہ حرف سچ ثابت ہوئی ، کیپٹن موسیٰ خان کے بھی یہ وہم وگمان میں بھی نہ ہوگا کہ میجر رانا شریف کے لبوں سے نکلی ہوئی بات حرف بہ حرف سچ ثابت ہوگی ، ستارہ بخت باپ کی یہ خواہش خوش نصیب ماں کی دعا بن گئی جسے اللہ تعالیٰ نے شرف قبولیت بخشا‘۔راحیل شریف کاخواب آج مکمل ہوگیاجب جنرل راحیل شریف نے اپنی چھڑی نئے آرمی چیف جنرل قمرجاوید باجوہ کے حوالے کردی ۔

موضوعات:جنرل راحیل شریف دعویٰ سابق آرمی چیف