اسلام آباد (مانیٹرنگ ڈیسک) کراچی خوفناک حادثے کی وجہ سامنے آ گئی ۔ ابتدائی تحقیقات کے مطابق حادثہ ڈرائیور کی غلطی کےباعث پیش آیا ۔ تفصیلات کے مطابق کراچی میں ہونے والے خوفناک ٹرین حادثے کی وجہ سامنے آگئی ہے ۔ جس کے مطابق ڈرائیو ر نے سگنل کو نظر انداز کر دیا تھا جس کے باعث حادثہ پیش آیا ۔نجی ٹی وی چینل کی رپورٹ کے مطابق زکریا ایکسپریس اور فرید ایکسپریس کے مابین ہونے والے خوفناک تصادم کی تحقیقات میں اہم پیش رفت ہوئی ہے۔ حادثے کی تحقیقات فیڈل انسپکٹر آف ریلوے کو سونپ دی گئی ہیں۔ جائے حادثہ کی ابتدائی رپورٹ ریلوے ہیڈکوارٹر کو ارسال کر دی گئی ہے جس کے مطابق حادثہ زکریا ایکسپریس کے ڈرائیو کی گلطی کے باعث پیش آیا ۔ زکریا ایکسپریس کے ڈرائیو ر نے سنگکل کو نظر انداز کر دیا ۔ جبکہ رپورٹ میں مزید بتایا گیا ہے کہ جائے حادثہ کےمقام پر عام طور پر ٹرینیں کھڑی نہیں ہوتیں ۔
واضح رہے کہ آج صبح کراچی کے علاقے لانڈھی کے قڈافی ٹاؤن میں فرید ایکسپریس ریلوے لائن پر کھڑی تھی جس سے زکریا آ کر ٹکرا گئی ۔حادثے میں زکریا ایکسپریس کی تین بوگیاں مکمل طور پر تباہ ہو گئیں۔ جس کے نتیجے میں 17 سے زائد مسافر جاں بحق ہو گئے جبکہ 40 سے زیادہ زخمی ہیں جن میں خواتین اور بچے بھی شامل ہیں ۔ حادثے کی اطلاع ملتے ہی آرمی کی ریسکیو ٹیمیں موقع پر پہنچ گئیں اور امدادی کارروائیوں کا آغاز کر دیا ۔ ملیر روڈ خراب ہونے کے باعث زخمیوں کی ترسیل کے کام میں مشکلات کا سامنا کرنا پڑ رہا ہے ۔ جبکہ جاں بحق افراد کی میتیں جناح ہسپتال منتقل کی جا رہی ہیں۔ مزید اطلاعات کے مطابق ٹرینوں میں ابھی تک زخمی پھنسے ہوئے ہیں جن کو نکالنے کے لئے امدادی سرگرمیاں تیزی سے جاری ہیں۔ حکام کی جانب سے ہلاکتوں میں اضافے کا امکان بھی ظاہر کیا جا رہا ہے۔

موضوعات:حادثہ