لاہورمیں پراسراردھماکہ،جاں بحق ہونیوالوں کی تعداد3ہوگئی،15زخمی

  اتوار‬‮ 30 اکتوبر‬‮ 2016  |  14:10

لاہور( این این آئی)موچی گیٹ میں چھتیں گرنے سے ملبے کے نیچے دب کر زخمی ہونے والوں میں سے مزید 2افراد جاں بحق ہو گئے ، ملبے سے ملنے والے ہینڈ گرینیڈز کی تعداد بھی 21تک پہنچ گئی جبکہ پولیس سمیت دیگر اداروں نے تحقیقات کا دائرہ مزید وسیع کر دیا ہے ۔تفصیلات کے مطابق موچی گیٹ میں منگل اور بدھ کی درمیانی شپ چار مکانوں کی چھتیں گرنے سے ایک شخص جاں بحق جبکہ 17افراد زخمی ہوئے تھے جنہیں طبی امداد کیلئے ہسپتال داخل کرا دیا گیا تھا جہاں گزشتہ روز دو زخمی چچا عاصم میو اوربھتیجا احسن چل بسے جبکہ ایک اور زخمی کاشف کی حالت بھی بدستور تشویشناک بتائی جاتی ہے۔ دوسری طرف پانچ روز گزرنے کے باوجودجائے وقوعہ سے عمارتوں کا ملبہ نہیں ہٹایا جا سکا تاہم امدادی اداروں کی طرف سے آج پیر کے روز تک ملبہ ہٹائے جانے کا ٹائم فریم دیا گیا ہے ۔ پولیس کے مطابق ملبے کے نیچے سے ملنے والے ہینڈ گرینیڈز کی تعداد بھی 21تک پہنچ چکی ہے جبکہ گولیاں بھی برآمد ہوئی ہیں جنہیں تحقیقات کیلئے فرانزک لیب بھجوا دیا گیا ہے۔ تحقیقاتی ادارے ملبے میں موجود ہینڈ گرینیڈز اور مالک کے مکان کی سر گرمیوں کے حوالے سے اپنی تحقیقات جاری رکھے ہوئے ہیں اور اب تک ملنے والی معلومات کے بعد تحقیقات کا دائرہ مزید وسیع کر دیا گیا ہے۔



موضوعات:

زیرو پوائنٹ

سائوتھ افریقہ

جنوبی افریقہ ایک دل چسپ ملک ہے‘ افریقہ کے انتہائی جنوب میں واقع ہے‘ موسم آسٹریلیا‘ نیوزی لینڈ اور ارجنٹائن کی طرح باقی دنیا سے الٹ ہے‘ ہمارے ملک میں جب کڑاکے کی گرمی پڑتی ہے تو جنوبی افریقہ میں اس وقت سردی ہوتی ہے اور ہماری سردیوں میں سائوتھ افریقہ میں گرمی ہوتی ہے‘یہ ملک 1488ء میں پرتگالیوں نے ....مزید پڑھئے‎

جنوبی افریقہ ایک دل چسپ ملک ہے‘ افریقہ کے انتہائی جنوب میں واقع ہے‘ موسم آسٹریلیا‘ نیوزی لینڈ اور ارجنٹائن کی طرح باقی دنیا سے الٹ ہے‘ ہمارے ملک میں جب کڑاکے کی گرمی پڑتی ہے تو جنوبی افریقہ میں اس وقت سردی ہوتی ہے اور ہماری سردیوں میں سائوتھ افریقہ میں گرمی ہوتی ہے‘یہ ملک 1488ء میں پرتگالیوں نے ....مزید پڑھئے‎