کراچی (این این آئی) سابق صدر جنرل (ر) پرویز مشرف کے سوشل میڈیا کوآرڈینیٹر مہدی حسن کو مبینہ طور پر ان کے گھر سے اغوا کرلیا گیا ہے ۔مہدی حسن کے بھائی راحیل کے مطابق 4پولیس موبائلوں اور پرائیویٹ گاڑیوں میں سوار افراد نے اہل خانہ کو اسلحہ کے زور پر یرغمال بناکر گھر میں تلاشی کا ڈرامہ رچایا اور تلاشی کی آڑ میں طلائی زیورات ،2 لاکھ روپے کی نقدی،کمپیوٹر اور 8 موبائل فون لوٹے اور مہدی حسن کو ساتھ لے گئے۔پولیس موبائل پر کوئی نمبر پلیٹ تھی اور نہ ہی کسی تھانے کا نام درج تھا ۔مہدی حسن کے بھائی نے بتایا کہ سر سید تھانے کو بھائی مہدی حسن کے اغوا اور گھر میں ڈکیتی کے حوالے سے آگاہ کر دیاہے ۔پولیس کی طرف سے اب تک کوئی پیش رفت سامنے نہیں آئی ہے ۔