اسلام آباد(مانیٹرنگ ڈیسک)اسلام آباد میں کورونا وائرس سے پہلی ہلاکت ،پمزمیں زیر علاج خاتون انتقال کرگئیں۔پمز ہسپتال کے حکام کے مطابق خاتون 12 مارچ کو برطانیہ سے وطن واپس پہنچی تھیں اور کورونا وارڈ میں 24 روز تک وینٹی لیٹر پر زیر علاج رہیں، خاتون کے پھیپھڑوں پر وائرس کا گہرا اثر ہوا تھا۔نجی ٹی وی کے مطابق جڑواں شہروں راولپنڈی اسلام آباد میں

سب سے پہلے ان خاتون میں کورونا وائرس کی تشخیص ہوئی تھی، ان کے شوہر اور ایک رشتہ دار میں بھی کورونا کے ٹیسٹ مثبت آئے تھے جو علاج کے بعد صحتیاب ہو گئے۔39 سالہ مریضہ برطانیہ سے وطن واپس آنے کے اگلے ہی روز ہسپتال میں داخل ہو گئیں جو 24 روز بعد جان کی بازی ہار گئیں۔یاد رہےکہ اسلام آباد میں کورونا وائرس کے کیسز کی تعداد 80 سے تجاوز کرگئی۔

موضوعات:پمز