کراچی(این این آئی) صدر مملکت عارف علوی نے کہاہے کہ آٹا کا بحران ہے مجھے علم نہیں لیکن پتا ہونا چاہیے،مہنگائی کم کرنے کے دعوے ملکی خزانے کی صورتحال معلوم ہونے سے پہلے کے ہیں۔پیر کو صدر مملکت ڈاکٹر عارف علوی نے اپنی اہلیہ ثمینہ علوی کے ساتھ کراچی میں اچانک قومی ادارہ برائے صحت اطفال اور قومی ادارہ برائے امراض قلب کا دورہ کیا۔

صدر مملکت پہلے این آئی سی ایچ پہنچے جہاں ایگزیکٹو ڈائریکٹر ڈاکٹر جمال رضا نے ان کا استقبال کیا اور ہسپتال کے مختلف واڈز کا دورہ کرایا۔میڈیا سے گفتگو کرتے ہوئے صدر مملکت نے کہاکہ آنے کا اچانک مقصد ہسپتال کی حالت دیکھنا تھی ،ڈاکٹر جمال رضا نے بریفنگ دی ،ایک ایک بستر پر چار سے پانچ بچے موجود ہیں ۔ انہوںنے کہاکہ سندھ سمیت پورے ملک میں ایسے ادارے بننے چاہئیں ،انکیوبیٹر والے واقعہ پر بھی تفصیلات لیں گئیں۔ انہوںنے کہاکہ سپریم کورٹ کے احکامات پر یہ ہسپتال وفاق کے پاس جارہے ہیں۔ انہوںنے کہاکہ منتقلی کے دوران مریضوں کو نقصان نہ ہو اس پر کاربند ہیں۔ انہوںنے کہاکہ ہسپتال کو مزید پانچ سو بستروں کی ضرورت ہے ۔ انہوںنے کہاکہ نجی شعبے میں کار خیر نے بڑا حصہ اپنا ادا کیا ہے ،ابھی کارڈیو بھی جاؤنگا۔ انہوںنے کہاکہ نجی شعبے میں کار خیر نے بڑا حصہ اپنا ادا کیا ہے ،ابھی کارڈیو بھی جاؤنگا ۔ انہوںنے کہاکہ ہپتال میں ادویات مریضوں کو باہر سے لینی پڑرہی ہیں ،70 کے قریب انکیوبیٹر ہسپتال میں موجود ہیں۔ انہوںنے کہاکہ آٹا کا بحران ہے مجھے علم نہیں لیکن پتا ہونا چاہیے

موضوعات:عارف علوی