عمران خان کے دورہ امریکہ کے بعد جیل حکام کی امریکی جاسوس شکیل آفریدی کیساتھ رویے میں تبدیلی؟نیا پنڈوراباکس کھل گیا، اہلخانہ کے حیرت انگیز انکشافات

  بدھ‬‮ 21 اگست‬‮ 2019  |  11:03

اسلام آباد(مانیٹرنگ ڈیسک) عمران خان کے حالیہ دورہ امریکا کے بعد شکیل آفریدی کے لئے جیل حکام نے قواعد و ضوابط نرم کر دیئے ۔روزنامہ جنگ کے مطابق ان کے وکیل قمر ندیم آفریدی کا کہنا ہے کہ وزیراعظم کے دورہ واشنگٹن کے بعد شکیل آفریدی کے بارے میں جیل حکام کے رویوں میں تبدیلی محسوس کی گئی۔ انہوں نے یہ بات ان کے بھائی جمیل آفریدی اور دیگر اہل خانہ کے حوالہ سے بتائی۔ شکیل آفریدی کو پشاور سینٹرل جیل سے ساہیوالجیل منتقل کیا گیا ہے۔ متعلقین نے اس امر پر خوشی کا اظہار کیا ہے۔ وکیل کے مطابق


ان کے مؤکل شکیل آفریدی سے جیل میں برا سلوک ہوتا تھا۔ جبکہ سرکاری رائے لینے کیلئے رابطہ کرنے پر نام نہ ظاہر کرنے کی شرط پر ایک سرکاری اہلکار نے بتایا کہ یہ تمام باتیں غلط اور بے بنیاد ہیں ، حکومت قانون اور عدالتی معاملات میں مداخلت نہیں کرتی ، جیل کے اپنے ضابطے ہیں ان پر عمل کیا جاتا ہے ، یہ اس بات کا ثبوت ہے کہ جیل میں کسی کے ساتھ زیادتی نہیں ہورہی ہے ۔

موضوعات:

loading...