اسلام آباد (مانیٹرنگ ڈیسک)میگامنی لانڈرنگ کیس میں ہائی کورٹ نے آصف علی زرداری اور فریال تالپور کو گرفتار کرنے کی اجازت دیدی ہے ۔ تفصیلات کے مطابق جعلی بینک اکاونٹس کے میگا منی لانڈرنگ ریفرنس میں اسلام آ باد ہائی کورٹ نے سابق صدر آصف علی زرداری اور ان کی ہشمیرہ فریال تالپور کی مستقل ضمانت کی درخواست مسترد کردی۔اسلام آباد ہائیکورٹ کے جسٹس عامر فاروق اور
جسٹس محسن کیانی نے آصف زرداری اور فریال تالپور کی درخواستوں پر فیصلہ سنایا۔اسلا آباد ہائیکورٹ نے نیب کی آصف زرداری اور فریال تالپور کو گرفتار کرنے کی استدعا منظور کی۔عدالت نے جس وقت فیصلہ سنایا اس وقت آصف زرداری اور فریال تالپور کمرہ عدالت میں موجود نہیں تھے تاہم ان کی گرفتاری کے لیے نیب کی ٹیم عدالت کے باہر موجود تھی۔آصف زرداری 28 مارچ سے آج تک دو ماہ بارہ دن کے لیے عبوری ضمانت پر رہے اور ان کی عبوری ضمانت میں پانچ مرتبہ توسیع کی گئی۔
