اسلام آباد(مانیٹرنگ ڈیسک) عدالتی اختیاراور کیس منتقلی کی عمران خان کی درخواست مسترد،آئندہ سماعت پر جواب جمع کرانے کی ہدایت ۔نجی ٹی وی کے مطابق لاہور کی سیشن کورٹ میں عمران خان کیخلاف شہبازشریف کے ہتک عزت کے دعوے کی سماعت ہوئی جس دوران عدالت نے عمران خان کی درخواست مسترد کرتے ہوئے قراردیا کہ لاہور کی عدالت ہتک عزت کے دعوے کی سماعت کرسکتی ہے ۔ عمران خان نے اپنی درخواست میں عدالتی دائرہ اختیار

سے متعلق درخواست میں موقف اپنایاتھا کہ لاہور کی عدالت ہتک عزت کےدعوے کی سماعت نہیں کرسکتی لہٰذا کیس کو اسلام آباد منتقل کیاجائے ۔ واضح رہے کہ عام انتخابات سے قبل عمران خان نے دعویٰ کیاتھاکہ پانامالیکس پر بات کرنے سے روکنے کے لیے شہبازشریف نے انہیں رقم کی پیشکش کی لیکن ثابت نہ کرسکے جس پر شہبازشریف نے عدالت سے رجوع کرلیا اور ہتک عزت کا دعویٰ دائر کرتے ہوئے استدعا کی ہے کہ ہرجانے کی ڈگری جاری کی جائے ۔

موضوعات:عمران خان