لاہور(مانیٹرنگ ڈیسک) مدینہ منورہ میں واقع مسجد نبوی دنیا کی دوسری سب سے بڑی مسجد ہے ، اللہ کے اس گھر کی بنیاد حضرت محمد ﷺ نے خود رکھی۔مسجد الحرام کے بعد مسجد نبوی مسلمانوں کا دوسرا مقدس ترین مقام ہے ، مدینہ ہجرت کے بعد سن ایک ہجری کو حضرت محمدﷺ نے مسجد نبوی کی تعمیر کا حکم دیا ، اللہ کے حبیب ﷺ نے خود اس کی تعمیرمیں حصہ لیا۔گنبد خضراء کو مسجد نبوی میں امتیازی اہمیت حاصل ہے ، جس کے نیچے حضرت محمدﷺ ،

حضرت ابوبکر صدیق رضی اللہ عنہ اور حضرت عمر فاروق رضی اللہ عنہ کے روضہ مبارک ہیں ، یہاں ہر وقت زائرین کی بڑی تعداد موجود رہتی ہے۔وقت کے ساتھ ساتھ کئی مسلمان حکمرانوں نے مسجد نبوی میں توسیع اور تزئین و آرائش کا کام کیا ، شاہ فہد بن عبدالعزیز کے دور میں ہونے والے توسیعی منصوبے میں حضرت محمد ﷺ کے دور کے تمام شہر کو اس مسجد کا حصہ بنا دیا گیا۔مسجد نبوی میں زائرین کو گرمی اور دھوپ سے بچانے کے لیے 182 بڑی خود کار چھتریاں نصب ہیں ، یہاں لاکھوں افراد کے نماز پڑھنے کی گنجائش ہے۔

موضوعات:مسجد نبوی ﷺ