مکہ مکرمہ(این این آئی)حرمین شریفین کی جنرل پریذیڈنسی میں نقل و حمل کی خدمات سے متعلق انتظامیہ نے حالیہ ہجری سال کی پہلی سہ ماہی کے دوران مسجد حرام میں آنے والے اللہ کے مہمانوں کے لیے 2000 وہیل چیئرز مفت فراہم کیں۔ اس اقدام کا مقصد زائرین کو باہم سہولت پیش کرنا ہے تا کہوہ اپنے مناسک آسانی اور سکون کے ساتھ ادا کر سکیں۔عرب ٹی وی کے مطابق مسجد حرام میں نقل و حمل کی خدمات کے انتظامی ڈائریکٹر بندر خوج نے واضح کیا کہ بیت اللہ کے زائرین کے لیے یہ مفت وہیل چیئرز حرم مکی کے
صحنوں کے داخلی راستوں پر تقسیم کے لیے قائم گئے خصوصی کیبنوں کے ذریعے پیش کی گئیں۔دوسری جانب حرمین شریفین کے امور کی پریڈیڈنسی میں خواتین کی تربیت کی اکیڈمی کی جانب سے (ٹی او ٹی) پروگرام پر عمل دآمد جاری ہے۔ اس پروگرام کا مقصد تربیت حاصل کرنے والی خواتین کو جدید سائنسی اور ٹکنالوجی مصنوعات سے استفادے کے لیے تیار کرنا ہے۔اکیڈمی کی ڈائریکٹر سلوی الوذنانی کے مطابق پرگرام کے ذریعے ذمے دارایوں اور درست راستوں سے متعلق مسائل کا حل تلاش کرنے کی کوشش کی جا رہی ہے۔