بغداد(این این آئی)عراق کی شیعہ ملیشیاؤں پر مشتمل الحشدالشعبی کے سربراہ نے دارالحکومت بغداد کے انتہائی سکیورٹی والے علاقے گرین زون پر راکٹ حملے میں ملوّث ہونے کی تردید کردی ہے۔میڈیارپورٹس کے مطابق الحشد الشعبی کے لیڈر جواد الطلیباوی نے ملیشیاؤں پر حملے کے
الزام کو غلط اور بے بنیاد قراردیا ہے اور کہا کہ یہ حملہ کسی ایک فرد کا ردعمل میں فعل ہوسکتا ہے یا یہ ملیشیاؤں کے تشخص کو مجروح کرنے کے لیے بعض جماعتوں کی کوشش ہوسکتی ہے۔انھوں نے کہا کہ پی ایم یو مسلح افواج کے کمانڈر انچیف کی حکم عدولی نہیں کرتی ہے۔
