نئی دہلی( آن لائن )بھارت میں مسلمان ہونا جرم بن گیا، تہاڑ جیل میں مسلمان قیدی کی پیٹھ پر زبردستی ہندوئوں کا مذہبی نشان اوم داغ دیاگیا۔بھارت میں مسلمانوں کے ساتھ ظلم و زیادتی کی روایت برقرار ہے،مذہبی تعصب پسندی، جنونیت اورمسلم دشمنی کی ایک اور بدترین مثال سامنے آگئی۔تہاڑ جیل میں سپریٹنڈنٹ نے مسلمان قیدی کی پیٹھ پر گرم دھات سے ہندوئوںکا مذہبی نشان اوم دغوا دیا۔ شبیر الیاس نبیر نے کڑکڑ ڈومہ کورٹ کو بتایا ہے کہ بیرک میں چولہا کام نہ کرنے کی شکایت پر جیل سپر نٹنڈنٹ راجیش چوہان نے اسے بری طرح زد و کوب
بھی کیا ۔عدالت نے پیر کو رپورٹ طلب کرلی۔شبیرکا کہنا ہے کہ جیل انتظامیہ نے2دن تک فاقہ کشی پہ مجبور کیاجبکہ مسلمان ہونے کی بنیادپر نازیبا الفاظ کہے اور استحصال بھی کیا۔