سعودی ایئرلائنز کے عملے کی سنگ دِلی،اُڑتے طیارے میں ہنگامہ،متعدد حاجی بے ہوش

  بدھ‬‮ 13 ستمبر‬‮ 2017  |  23:00

نئی دہلی/کراچی (آئی این پی)سعودی عرب سے عازمین حج کو کراچی لانے والی پرواز ایس وی 706 کے مسافر کیبن کا درجہ حرارت بڑھنے اور گھٹن میں اضافے کے باعث بیہوش ہوگئے۔بھارتی ذرائع ابلاغ کے مطابق سعودی ائیر لائنز کی پرواز میں کراب ائیر کنڈیشننگ سسٹم کے باعث مسافر یکے بعد دیگرے بیہوش ہونا شروع ہوگئے۔طیارے میں سوار ایک مسافر کی جانب سے شیئر کی گئی ویڈیو میں دیکھا جاسکتا ہے کہ چند بزرگ افراد بیہوش ہیں جبکہ خاتون میزبان سمیت دو ایک لوگ کاغذ سے انہیں ہوا دے رہے ہیں۔پرواز ایس وی۔706 عازمین حج کو لے کر ہفتے کی

دوپہر کراچی آنے والی تھی۔لیکن نامعلوم وجوہات کی بنا پر پرواز شیڈول کے مطابق نہ پہنچ سکی۔مسافروں نے طیارے کے عملے سے خراب ائیر کنڈیشنگ کی شکایت کی جس پر انہیں بتایا گیا کہ طیارے کے اڑان بھرنے سے قبل مسئلہ حل کردیا جائے گا تاہم ایسا نہیں ہوا۔

موضوعات:

آج کی سب سے زیادہ پڑھی جانے والی خبریں