اسلام آباد (مانیٹرنگ ڈیسک )ٹرمپ کے منہ پھٹ ہونے کا دنیا کو ان کی صدارتی مہم سے قبل بھی پتہ تھا۔ امریکی میڈیا میں وہ ایک منہ پھٹ بزنس مین کے طور پر جانے جاتے تھے۔خواتین کے حوالے سے سکینڈلز کی وجہ سے بھی ٹرمپ اخبارات کی سرخیوں کی زینت رہے۔

خواتین کے ساتھ فلرٹ کی عادت شاید ٹرمپ کے مزاج کا حصہ بن چکی ہے جس کی ایک تازہ مثال اس وقت سامنے آئی جب ٹرمپ اپنے آفس میں آئر لینڈ کے وزیراعظم سے فون پر بات کر رہے تھے اور اس دوران امریکی صدر اور آئر لینڈ کے وزیراعظم کے درمیان ہونیوالی ٹیلیفونک گفتگو کی کوریج کیلئے میڈیا کے نمائندے بھی موجود تھے جن میں آئر لینڈ سے تعلق رکھنے والے صحافی بھی موجود تھے ۔ ٹرمپ نے اسی دوران آئر لینڈ کے وزیراعظم سے فون پر بات کرتے ہوئے انہیں کہا کہ یہاں آپ کے ملک کے میڈیا کے نمائندے بھی موجود ہیں اور ایک آئرش خاتون صحافی کیترینا پیری کو اپنے قریب بلا کر ان کا نام پوچھا ، آئرش خاتون صحافی نے امریکی صدر کو بتایا کہ میرا نام کیترینا پیری ہےاور میں آر ٹی ای نیوز آئرلینڈ کیلئے واشنگٹن کی رپورٹ اور رامریکہ کیلئے بیوروچیف ہوں جس پر امریکی صدر نے خاتون صحافی کو کہا کہ ‘‘آپ کی مسکراہٹ بہت پیاری ہے‘‘ٹرمپ کی جانب سے نہایت دلکش الفاظ پر خاتون صحافی مسکراتے ہوئے کیمرے کی نگاہوں سے پیچھے ہٹ گئیں۔ واضح رہے کہ امریکی صدر آئرلینڈ کے وزیراعظم کو عہدہ سنبھالنے کی مبارکباد دے رہے تھے ۔

موضوعات:ٹرمپ خاتون صحافی فلرٹ