بیجنگ(مانیٹرنگ ڈیسک) چین کے صدر شی جن پنگ نے کہاہے کہ پاکستان اورچین کوباہمی مدداوراسٹریٹجک تعاون بڑھانا ہوگا۔انہوں نے کہاکہ پاک چین اقتصادر ی رہداری اورگوادربندرگاہ کو توانائی، انفرااسٹرکچر ڈیولپمنٹ پر تعاون کے لئے استعمال کرنا چاہیے،پاکستان چین کواعلی سطح کے دوروں اورملاقاتوں کا تسلسل جاری رکھنا چاہیے۔

چینی صدر نے صدرمملکت ممنون حسین اوروزیراعظم نوازشریف کے نام اپنے سرکاری پیغام میں کہا کہ ہم نے پاک چین تعلقات کواسٹریٹجک پارٹنرشپ تک لےجانےپراتفاق کیا۔سی پیک کوگواد رپورٹ، توانائی، انفرااسٹرکچرڈیولپمنٹ پر تعاون کیلیے استعمال کرنا چاہیے۔انہوں نے کہا کہ ترقی کا ثمر پاکستان اور خطے کے دیگر ملکوں کو بھی ملےگا۔پاکستان اور چین میں دیرپا تعلقات کےلیے قریبی تبادلے بڑھانے چاہییں۔

چینی صدرنے کہاکہ ہمیں تقاریب کا انعقاد اور پاکستان چین کے نوجوانوں میں رابطے بڑھانے ہونگے۔آئندہ 5برسوں میں چین پاکستان میں تربیت کے 2ہزارافراد کو روزگار کے مواقع فراہم کرے گا۔انہوں نے کہاکہ چین پاکستان کے ایک ہزار اساتذہ کو چینی زبان کی تربیت دے گا۔ شی جن پنگ نے کہا کہ چین باہمی تعاون کی سکیورٹی ضمانت کے ساتھ پاکستان کے ساتھ کام کریگا۔انہوں نے کہاکہ چین پاکستان سے ہرشعبہ زندگی میں تعاون بڑھانے پریقین رکھتاہے ۔چینی صدرنے کہاکہ چین پاکستان کومعاشی طورپرمضبوط اورمستحکم دیکھناچاہتاہے ۔

موضوعات:پاکستان چین چینی صدر