ذ اکر نائیک کی ویب سائٹ بند‘ گرفتاری کیلئے بھارت کا انٹرپول سے رابطے کا فیصلہ

  منگل‬‮ 22 ‬‮نومبر‬‮ 2016  |  18:48

نئی دہلی (آن لائن) بھارت میں اسلامی سکالر ذاکر نائیک کی تنظیم اسلامی ریسرچ فاونڈیشن پر پابندی کے بعد بھارتی حکام نے ادارے کی ویب سائٹ بھی بند کردی، تنظیم کی سماجی رابطے کی ویب سائٹس پر پابندی کیلئے این آئی اے امریکی حکام سے رابطہ بھی کرے گی۔ ذاکر نائیک کے خلاف بھارتی حکومت کا کریک ڈائون جاری ہے۔بھارتی میڈیا کی رپورٹس کے مطابق آئی آر ایف پر پابندی کے بعد ادارے کی ویب سائٹ بھی بند کردی گئی ہے۔ اور بھارتی نیشنل سیکورٹی ایجنسی ذاکر نائیک کے خلاف انٹرپول سے ریڈکارنر نوٹس بھی لینے کی کوشش کرے

گی۔ اگر ذاکر نائیک مقدمے کا سامنا کرنے بھارت نہیں آتے تو این آئی اے ان کے خلاف غیر ضمانتی وارنٹ جاری کرے گی جس کے بعد ذاکر نائیک کو بھارت لانے کیلئے انٹرپول کے ذریعے سعودی حکومت پر دبائو ڈالا جائے گا۔

موضوعات:

آج کی سب سے زیادہ پڑھی جانے والی خبریں